Gömrük - Biznes əməkdaşlığı çərçivəsində görüş

Gömrük-biznes əməkdaşlığı çərçivəsində növbəti önəmli görüş bu dəfə “Ləzzət Biskvit və Şokalad Fabriki” MMC-də keçirildi. Naxçıvan Baş Gömrük İdarəsinin təşəbbüsü ilə baş tutan səfər zamanı gömrük əməkdaşları müəssisənin istehsal prosesi ilə yaxından tanış oldular.

Fabrikdə “Nati” brendi ilə istehsal olunan məhsulların beynəlxalq standartlara uyğun hazırlandığı, daxildə emal gömrük proseduru altında çeşidli məhsulların bir çox xarici ölkələrə ixrac edildiyi vurğulandı.

Sahə ilə tanışlıqdan sonra təşkil olunan dəyirmi masa zamanı gömrük sistemindəki son yeniliklər, rəqəmsallaşma prosesləri, sənədləşmənin sadələşdirilməsi və biznesə göstərilən dəstək mexanizmləri müzakirə olundu.

Səmimi müzakirələr formatında keçən görüşdə biznes nümayəndələrinin təklifləri və sualları da diqqətlə dinlənildi və ətraflı şəkildə cavablandırıldı.

Bu kimi görüşlər gömrük və biznes subyektləri arasında körpü rolunu oynayaraq daha şəffaf, effektiv və dayanıqlı əməkdaşlığın təməlini qoyur.